ملخص علم المناعة الجزء الاول
مرحباً بكم متابعينا الأعزاء طلاب وطالبات العلم في موقع باك نت.baknit الموقع التعليمي المتميز والمتفوق بمنهجية الإجابة الصحيحة والنموذجية من مرحلة التعليم الابتدائي والمتوسط والثانوي bac 2023 كما يسرنا بزيارتكم أن نقدم أهم المعلومات والحلول وأفضل الأسئله بإجابتها الصحيحه من شتى المجالات التعلمية من مقرر المناهج التعليمية 2022 2023 وكما عودناكم أعزائي الزوار في صفحة موقع باك نت أن نطرح لكم ما تبحثون عنه وهو .....ملخص درس علم المناعة الجزء الاول
.. وتكون الإجابة على سؤالكم هي على النحو التالي
ملخص *علم المناعة الجزء الاول*
هاد المناعة اسيدي هي _الجهاز العسكري_ للجسم ما يعني انها هي لي كتحمينا من العدو...
اودى المعلم هاد درس زيييين بحالك ههه ولكييين طويل بحالي ههه.
فهاد العلم العميق فيه 4 فقرات :
1- الذاتي وغير ذاتي
2- وسائل الدفاع
3 - بعض المشاكل (الاضطرابات)
4 - وسائل المساعدة للمناعة
نبادو نعماس بالفقرة الأولى وهي *الذاتي وغير ذاتي*
- *غير الذاتي* هو اي حاجة او خلية جسمية غريبة عني يعني مادياليش كنسميوها غير ذاتي أو *مولد المضاد* مثال :
# الجراثيم ....
# الخلايا الغريبة لأي شخص غريب
# المواد العضوية الكبيرة كسم الجراثيم (سمين) ...
مولد المضاد لي هو غير ذاتي سميناه بهاد السمية حيث هو اللي كتهاجمو المناعة ويقدر يكون ذاتي لكن مبدل بحال الخلايا السرطانية ويسمى *بذاتي مغير*
- الذاتي هو اي حاجة ديالي انا بوحدي نينينك
كيفاش الجسم غيعرف هذا ذاتي أو غير ذاتي وهاد خلايا كولوها كاتشابه !
الحل هو CMH لي هو بروتين كايكون فغشاء الخلايا وفيه 2 انواع :
1- CMH I : هاد نوع كيكون عند جميع الخلايا لي عندها نواة
2 - CMH II : هادا كايكون عند الخلايا
المناعية اي العسكر ديال الجسم
هاد CMH دايرة بحال البطاقة الوطنية بحيث الخلايا المناعية (الشرطة)لي عندها CMH2 كيتسركلو فالجسم لي لقاو عندو CMH1 الخاص بالجسم كيخليوه ولي ملقاوهش ديال نفس الجسم ---》 كيقتلوه.
2- وسائل الدفاع اي المناعة الطبيعية و المناعة غير النوعية.
فهاد الفقرة غنديرو تسريبات ههه للجهاز المناعي للجسم لي فيه 2 انواع لي هما مناعة نوعية والطبيعية.
###1- *المناعة الطبيعية* : اسيدي هادي اول وسيلة كتصدى للجرثوم قبل ما يدخل.
وكتميز بأنها :
- طبيعية : كتكون عندك ملي كم زاد.
- فورية : كتخدم ديك الساع -》 مكتعطلش.
- غير نوعية : لي لقاتو ماشي ديال الجسم كتقتلو.
المناعة الطبيعية فيها 2 : *الحواجز والاستجابة الالتهابية*
اول مانع فالمناعة الطبيعية هما : *الحواجز* وكينقسمو ل 3 انواع :
- الاول هو *الحاجز الميكانيكي* لي بمثابة حيط لي داير بالدولة ولي فالجسم هو *الجلد* ثم أيضا *الأغشية المخاطية* لي فالانف...
- الثاني وهم *الحواجز الكيميائية* (المتفجرات الكيميائية ههه) كالعرق والدموع وحموضة المعدة....
- الثالث هم الحواجز الإيكولوجية لي هما البكتريات الزوينين للجسم لي كيقتلو خوتهم على قبلنا...
الا منفعوش الحواجز ودخلو الجراثيم للانسجة كتتدخل المرحلة الثانية فالمناعة الطبيعية لي هي *الاستجابة الالتهابية*
هاد الاستجابة كتكون ملي جلدة منفعاتش وتقطعات بشي جرح أو وخز.
هاد الاستجابة وكتميز ب 4 أعراض:
+ إحمرار
+ انتفاخ
+ ارتفاع درجة الحرارة
+ ألم
باش تعقل عليهم تجرح قبل الامتحان ماشي دبح راسك.
مراحل هاد الاستجابة هي :
1- حدوث جرح ودخول الجراثيم.
2 - إنتاج مواد( الهيستامين وكينين ...) من خلايا مناعية.
3 - يمكن هيستامين من حدوث الالتهاب اي خروج الخلايا المناعية من الدم إلى موقع الجرح.
4 - تيمشيو الخلايا المناعية الجراثيم باش يقسيو الجراثيم عبر *ظاهرة البلعمة* من طرف البلعميات (خلايا خاصة بالبلعمة) لتأكل الجراثيم.
ظاهرة البلعمة كتم وفق المراحل التالية :
× تثبيت : بلعمية كتشد جرثومة.
× ابتلاع: كتخشي البلعمية الجرثومة فكرشها.
× هضم : كتفرتت الجرثومة فوسط خلية البلعمية.
× اخراج البقايا: كتخرج داك التفرتيت من البلعمية.
ثم فهاد الاستجابة الالتهابية كاينة *عوامل التكملة*.
عامل التكملة هي مجموعة من البروتينات بروتين كيحفز آخر باش يكادو واحد قنبولة سميتها *CAM*(المركب الهجوم الغشائي).
هاد عوامل تكملة عندها 3 ادوار مهمة:
1- *كتلصق القنبولة CAM على جراثيم* وكتفركع وكتتقب الخلية والخلية كتفش وتموت.
2- *تسهيل البلعمة* : كتقرب الجراثيم للبلعميات باش تبتهم.
3 - تنشيط الانجذاب الكيميائي:(بحال البياعة) كتقول للبلعميات المكان فين مخبيين الجراثيم باش يجيو يكلوها.